Новости

Архива

Наполнивме 15 години!

Меѓународната фондација Форум на словенските култури го прослави својот 15-годишен јубилеј со концертот на отворено Словенска рапсодија. Оваа прилика ја искористивме да именуваме и почесен амбасадор, како и да ги поделиме сертификатите за амбасадор на ФСК.

Проекти »

За културните рути на писателките на академијата на Европскиот институт за културни рути

Форумот на словенски култури по втор пат учествуваше во “академијата” на Европскиот институт за културни рути во Советот на Европа. Го претставивме проектот “Културни рути на писателките”, со кој сакаме да дадеме значење и да ги оживееме извонредните книжевни и животни приказни на писателките кои ја обележаа борбата за човековите права и женските права во почетокот на 20-тиот век.

Проекти »

Управниот одбор на Форумот на словенските култури го нагласува зајакнувањето на меѓукултурниот дијалог

Управниот одбор на меѓународната фондација Форум на словенските култури, составен од министрите за култура на земјите-членки на ФСК, се состана на свечена седница. Меѓу другото, членовите дискутираа за иднината на ФСК и потпишаа меморандум за зајакнување на меѓукултурниот дијалог и соработка меѓу сите словенски земји. Настанот се одржа под почесно покровителство на премиерот на Република Словенија, Марјан Шарц, додека пак со специјално писмо, 15-годишниот јубилеј од формирањето на ФСК го честита и претседателот на Руската Федерација, Владимир Путин.

Проекти »

Форумот на словенските култури ја одбележува својата 15-годишнина

Меѓународната фондација Форум на словенските култури ќе ја одбележи 15-тата годишнина од постоењето на институцијата со организација на специјални настани во Словенија и земјите-членки надвор од неа. Почесен покровител на настаните во Словенија е претседателот на Република Словенија, Борут Пахор. ФСК стана референтна платформа за меѓукултурен дијалог и центар за поврзување на словенските држави во

Проекти »

За културната рута на писателките на 13-тото Меѓународно летно училиште за музеологија

Под покровителство на Форумот на словенските култури, Факултетот за хуманистички студии на Универзитетот на Приморска, ICOM Словенија и Центарот за креативност на Музејот за архитектура и дизајн, се одржа 13-тото Меѓународно летно училиште за музеологија. Во рамките на ова летно училиште, ФСК ја претстави новата културна рута.

Проекти »

ФСК и оваа година партнер на Музејскиот фестивал Intermuseum

Форумот на словенските култури втора година по ред беше партнер на Музејскиот фестивал Intermuseum во Москва. Во изложбениот простор Жива, ФСК ги додели наградите за најдобар словенски музеј и за најдобар споменик за природно и културно наследство. Во рамките на професионалниот дел на фестивалот, д-р. Андреја Рихтер одржа предавање за човечките ресурси во музеите, за Меѓународниот центар за истражување наследство Пиранова и учествуваше во неколку стручни дебати.

Проекти »

Судиите за наградата Жива на работен состанок

Откако судиите за наградата Жива од февруари до април ги посетија сите 25 пријавени музеи за наградата Жива 2019, истите се сретнаа на работен состанок каде што ги претставија своите извештаи од посетите. Добитниците на наградите ќе бидат објавени во октомври 2019 година во Бар во Црна Гора.

Проекти »

ФСК како специјален гостин на Меѓународниот културен форум во Санкт Петербург

Др. Андреја Рихтер и Ала Манилова, заменик-министер за култура на Руската Федерација, потпишаа заедничка изјава за специјалниот статус на Форумот на словенските култури на VIII Меѓународен културен форум во Санкт Петербург.

Проекти »

Форумот на словенските култури повторно со изложба во УНЕСКО

Меѓународната фондација Форум на словенските култури заедно со партнерските институции подготви изложба на тема Жените и Големата војна. Церемонијата на отворање на истата, во соработка со Постојаното претставништво на Република Словенија при УНЕСКО, се одржа во палатата на УНЕСКО во Париз. Изложбата ќе биде отворена до 15 април 2019 година.

Проекти »
Scroll to Top