ana

Првиот семинар на Меѓународната златна мзеолошка програма – Вила Златица со наслов „Поврзаноста и музеите за време на криза“ се случи на 22-ри и 23-ти октомври во Вила Златица во Љубљана и истиот се задржа на актуелните кризни прашања и нивната поврзаност со музејската теорија и пракса. Главната цел на програмата беше отворен широк дискурс за улогата и целта на музејските институции за време на овој нестабилен, критичен и тежок временски период.

ФСК во рамките на словенечкото гостување на 75-иот Саем на книгата во Франкфурт, приготви дискусија – едукативна расправа насловена „Преводи за време на војна“ – Словенските литературни врски во време на вооружени расправи и политички конфликти во која учествуваа Драго Јанчар, украинската писателка Оксана Забужко, Георги Господинов од Бугарија и српскиот автор Александар Гаталица. Дискусијата ја водеше главниот уредник на збирката „Сто словенски романи“, Милан Вешковиќ.

ФСК со неговиот партнер – Центарот за Култура Лојзе Братуж, Горица, на првиот распис на Заводот за мали проекти GO! 2025, го пријави проектот Културна рута во чест на Љупка и доби финансиска поддшка за реализација на културно-туристички мост, посветен на Љупка Шорли и писателите од Горица.

Од 2-ри до 4-ти октомври 2023 година, Форумот на словенските култури по деветти пат ги собра номинираните словенски музеи на едно место и ги прогласи добитниците на наградата Жива 2023-та година.

Како дел од конференцијата на Европската академија на музеи, која се одржа меѓу 14-ти и 16-ти септември 2023 година, во Националниот музеј Банат во Темишвар, Романија беа објавени победниците на наградата Heritage in Motion 2023 година.

„Културните рути на писателките“, кои поврзуваат седум земји и се посветени на женските авторки од почетокот на 19-от и 20-от век и нивниот инспиративен живот и литературни приказни, минатата година го добија сертификатот „Културни рути“ на Советот на Европа и станаа 48-ма европска културна рута која може да се пофали со оваа престижна титула и прва со седиште во Словенија, а сертификатот годинава го добија на свечена церемонија и во матичната земја.

Помеѓу 6-ти и 26-ти септември 2023 година, во Музејот на применетата уметност во Белград се одржа изложбата Трансформации: од словенската традиционална носиja до модерни креации, која беше создадена во соработка со Форумот на словенските култури, Музејот на применетата уметност (Белград) и Министерството за култура на Република Србија. Кустот на изложбата беше Станислава Вауда Бенчевиќ.

Форумот на словенските култури се претстави на вториот фестивал на словачкото наивно сликарство во Србија и се вклучи во активностите за промоција и проучување на оваа ликовна уметност, која е вклучена во списокот на нематеријално културно наследство во Србија и се натпреварува за вклучување во листата на УНЕСКО.

Ве покануваме да се пријавите за наградата Жива 2023 – наградата за најдобар словенски музеј и за најдобар културен и природен споменик во словенските земји. Расписот ќе биде отворен до 15 март 2023 година.