Наградата Heritage in Motion, посветена на иновативни мултимедијални и аудиовизуелни проекти со цел промоција, истражување и заштита на европското културно наследство, се враќа со нови категории по пауза од една година. Краен рок за пријава на проекти е 1 јули 2023 година.
Наградата Heritage in Motion е основана во 2012 година на заедничка иницијатива на Европската академија на музеи (ЕМА) и Еуропа Ностра, а од 2023 година проектот заеднички го раководат ЕМА и Форумот на словенските култури (ФСК). Како професионален соработник на фестивалот, во тимот се приклучи здружението за развој на аудиовизуелна култура и меѓукултурен дијалог Митра, основачот на Меѓународниот фестивал за документарни филмови DOKUDOC, кој значително го надополнува и заокружува локалното и националното културно милје.
Натпреварувачите ќе се натпреваруваат за награди во четири категории:
- Нови дигитални искуства (eng. New Digital Experiences)
- Виртуелна и зголемена реалност (eng. Virtual and Augmented Reality)
- Аудиовизуелно наследство (Heritage Audiovisuals)
- Училишно наследство (eng. Heritage Schools)
Категоријата „Нови дигитални искуства“ ќе вклучува проекти кои се фокусираат на извонредни средини, мултимедијални инсталации и интерактивни простори, а категоријата „Виртуелна и зголемена реалност“ ќе вклучува VR/AR како алатка за истражување на музејските складишта. Категоријата „Аудиовизуелно наследство“ вклучува филмови, видеа, документарни, играни филмови и анимации на тема светско/музејско културно наследство, додека категоријата „Училишно наследство“ е посветена на филмови за млади луѓе, исто така на тема светско/музејско културно наследство.
Heritage in Motion им нуди на учесниците можност да ја покажат својата креативна и иновативна страна преку проекти поврзани со промоција, истражување и заштита на европското културно наследство. Со нетрпение ги очекуваме возбудливите мултимедијални и аудиовизуелни проекти кои ќе ги оценува меѓународно стручно жири.
Пријавите за повикот Heritage in Motion се на следниот линк:
https://filmfreeway.com/HeritageinMotion
За повеќе информации обратете се на: him@fsk.si или katarina.bogataj@fsk.si