По повод 200-годишнината од Љубљанскиот конгрес на Светата алијанса во Љубљана, Форумот на словенските култури ја објави книгата Конгрес во Љубљана: Крстосница на европската дипломатија 1821/2021 година. Книгата која ни нуди увид во настаните во Европската престолнина на дипломатијата пред двесте години, ФСК ја издаде во соработка со Амбасадата на Руската Федерација во Словенија и Здружението за пријателство Русија-Словенија.
Книгата Конгрес во Љубљана: Крстосница на европската дипломатија 1821/2021 година е вистинска ризница на нечуени приказни напишани за Љубљанскиот конгрес од словенечки и руски историчари, етнографи и новинари: д-р Љубов Кирилина, д-р Алеш Мусар, д-р Милош Ќосец и маг. Алеш Полајнар. Написите на авторите дополнително се збогатени со слики на поединци од богатствата на руските музеи, архиви и приватни збирки, вклучувајќи ги архивите на галеријата Ермитаж, Музејот и галериите на градот Љубљана, Историската архива на Љубљана и Архивата за надворешна политика на Руската империја. Книгата која е објавена на словенечки, руски и англиски јазик е дизајнирана од познатиот дизајнер Радован Јенко.
„Љубљана го доживеа својот европски имиџ, првата димензија на културната разновидност во Европа во 1821 година. Четири месеци беше престолнина за европските дипломати, европската политика, а со тоа и општествен живот со врвна понуда на уметност и култура… Поврзувањето на словенските култури и особено комуникацијата на различни словенски јазици ги одбележа настаните и охрабруваше поединци кои ги посветија своите животи на идејата за поврзување, учење за словенските култури на нашите разлики и сличности“, наведе уредникот во книгата. Андреја Рихтер додаде дека идејата за поврзување на словенските култури била всушност таа што довела до создавањето на Меѓународната фондација Форум на словенските култури и дека не случајно нејзиното седиште во Љубљана, од 2021 година е во Вила Златица, домот на поранешниот градоначалник на Љубљана Иван Хрибар.
По повод објавувањето на книгата по повод 200-годишнината од Љубљанскиот конгрес, неговата екселенција Тимур Рафаиловиќ Ејвазов, амбасадор на Руската Федерација во Словенија, истакна: „Овој настан е особено важен за историјата на руско-словенечките односи. Меѓу другите водачи на најголемите земји во тоа време, на конгресот учествуваше и рускиот цар Александар I, чиј престој во Љубљана од јануари до мај 1821 година со право може да се смета за прва посета на руски водач на територијата на модерна Словенија.
